ନାଚିଯାଏ ଯେବେ ମନ ଆଇନାରେ

ନାଚିଯାଏ ଯେବେ ମନ ଆଇନରେ          
      ଆମର ପୁରୁଣା ଦିନ         
ଭାବି ଭାବି ପ୍ରିୟା ଗଡି ଯାଏ ବେଳ  
       ପୁଲକିତ ହୁଏ ପ୍ରାଣ

ଭରା ଯୌବନେ କେତେ ନିରିଜନେ    
       ଲୁଚି ଛପି ମିଳା ମିଶା      
ମନ ଦିଆ ନିଆ ଚୁପି ଚୁପି କଥା    
       ଅଭିମାନ ଆଡରୁଷା           

  ତୁମ ତନୁଲତା କହଁଳ ପରସ         
      ଆଣୁଥିଲା ସିହୀରଣ          
  ଚାହାଣି ତୁମର କାହାଣୀ ରେ ଭରା
       ଚହଲାଉଥିଲା ମତେ       

ତୁମରି କୋଳରେ ମଥାରଖି ପ୍ରିୟା     
      ସପନ ଦେଖିଛି କେତେ        
ତୁମେ ଥିଲ ମୋର ମନ ଆକାଶର   
       କୁଆଁରୀ ପୁନେଇଁ ଜହ୍ନ

  ପୀରତିରେ ମହୁ ଚାକିଛେ ଗୋପନେ  
          ବହୁବାର ମନ ଭରି        
    ତୁମ ମୋ ଭିତରେ ଲାଜ କି ସରମ    
          ଯାଇଥିଲା ଅପସରି       
   ଆଉ ସବୁ କଥା ତୁଚ୍ଛ ଏ ଧରାରେ  
         ପ୍ରେମ ଆମ ଚିରନ୍ତନ  

✍️ସୁରେଶ ଚନ୍ଦ୍ର ସାହୁ