କୋଟିପତି ପୋଲିସ ଏସଆଇ ଙ୍କୁ ହିଫାଜତ କୁ ନେଲା କଟକ ଭିଜିଲାନ୍ସ ବିଭାଗ

ଚାକିରୀ କରିବ ପୋଲିସ ମାଛ ଖାଇବ ଇଲିଶି ଉକ୍ତ ବାକ୍ୟ ଟିକୁ ଅକ୍ଷରେ ଅକ୍ଷରେ ପାଳନ କରିଛନ୍ତି ବିଶ୍ୱର ମହିମା ପୀଠ ଯୋରନ୍ଦା ଅଚଂଳର କେନ୍ଦୁପଡା ଗ୍ରାମର ଜଣେ ପୋଲିସ ଅଧିକାରୀ । ଚାକିରୀ କାଳ ମଧ୍ୟରେ କୋଟିଏ ରୁ ଉର୍ଦ୍ଧ୍ବ ଟଙ୍କାର ସଂପତି ଠୁଳ କରିଥିବା ଭିଜିଲାନ୍ସ ନଜରକୁ ଆସିଛି ।

ମଙ୍ଗଳବାର ଭୋରୁ ଆଠଟି ଟିମ ଚଢାଉ ପାଇଁ ଆସିଥିଲେ ବି ସାତଟି ଟିମ କଟକ ଭିଜିଲାନ୍ସ ଏପିଙ୍କ ନିର୍ଦ୍ଦେଶ କ୍ରମେ ଚଢାଉ ଜାରି ରଖିଥିଲେ । ବାବୁ ଜଣଙ୍କ ଢେଙ୍କାନାଳ ଜିଲ୍ଲା ପରଜଙ୍ଗ ଥାନା ମହାବିର ରୋଡ ଫାଣ୍ଡିର ଅଧିକାରୀ ଭାବେ କାମ କରୁଥିଲେ ।

ଭିଜିଲାନ୍ସ ଟିମ ଏକାଥରକେ ମହାବିରି ରୋଡ ଫାଣ୍ଡି କାର୍ଯ୍ୟାଳୟ , ଢେଙ୍କାନାଳ ସହର ରେ ଥିବା ନିଜସ୍ୱ ଦୁଇଟି କୋଠା, ଗଁଦିଆ ବ୍ଲକ ଯୋରନ୍ଦା ଫାଣ୍ଡି କାଲୁରିଆ ପଚାଂୟତ କେନ୍ଦୁପଡା ଗ୍ରାମରେ ପୈତୃକ ଘର , କେନ୍ଦୁପଡା ର ଫାର୍ମ ହାଉସ କାମାକ୍ଷାନଗର ସ୍ଥିତ ଜିରିଡାମାଳିର ଶଶୁର ଘରେଚଢାଉ କରାଯାଇଥିଲା । ତିନିଜଣ ଡିଏସପି ସାତ ଜଣ ଆଇଆଇସିଙ୍କ ନେତୃତ୍ୱରେ ଦୀର୍ଘ ସମୟ ଚଢାଉ ପରେ ତାଙ୍କ ନିକଟରୁ ନଗଦ ୯୭ ହଜାର ଟଙ୍କା ମିଳିଥିଲା ।

କାନାରା ବ୍ୟାଙ୍କର ଆଠଟି ଆକାଉଣ୍ଟରେ ୧୬ ଲକ୍ଷ ଟଙ୍କା , ୨ଲକ୍ଷ ଟଙ୍କାର ଆସବାବପତ୍ର ଓ ୧୬ ଲକ୍ଷ ଟଙ୍କାର ବୃକ୍ଷ ପାର୍ମ ହାଉସରେ ଥିବାର ପ୍ରମାଣ ଭିଜିଲାନ୍ସ ବିଭାଗ ପାଇବା ପରେ ଫାଣ୍ଡି ଅଧିକାରୀ ସମରେନ୍ଦ୍ର ସାମଲଙ୍କୁ ଆରେଷ୍ଟ କରି କଟକ କାର୍ଯ୍ୟାଳୟକୁ ନିଆଯାଇଥିବା ଜଣାପଡିଛି ।