ଢେଙ୍କାନାଳ ଜିଲ୍ଲାରେ ୪୭ ନୂତନ କରୋନା ଆକ୍ରାନ୍ତ ଚିହ୍ନଟ ; ଜାଣନ୍ତୁ କେଉଁ ଅଞ୍ଚଳରୁ କେତେ

ତିନି ଅଙ୍କ ଛୁଇଁବାର ଗୋଟିଏ ଦିନ ପରେ କରୋନା ଆକ୍ରାନ୍ତ ସଂଖ୍ୟା ପୁନର୍ବାର ଦୁଇ ଅଙ୍କରେ ସିମୀତ ରହିଛି। ଆଜିର ରିପୋର୍ଟ ଅନୁସାରେ ଜିଲ୍ଲାର ନୂତନ ସଂକ୍ରମିତଙ୍କ ସଂଖ୍ୟା ୪୭ ରହିଛି। ୪୧ ଜଣ ଘରୋଇ ସଂଙ୍ଗରୋଧରୁ ହୋଇଥିବା ବେଳେ ୬ ଜଣ ଡାକ୍ତରଖାନାରୁ ଚିହ୍ନଟ ହୋଇଛନ୍ତି।

ଜିଲ୍ଲାର ହିନ୍ଦୋଳ ବ୍ଲକରୁ ସର୍ବାଧିକ ସଂଖ୍ୟକ ସଂକ୍ରମଣର ଶିକାର ହୋଇଛନ୍ତି। ବ୍ଲକର ମାଗୁବେରେଣୀରୁ ପାଞ୍ଚ, ମନିଆନାଳୀରୁ ତିନି, ନୂଆପାଟଣାରୁ ତିନି ଓ ଦୁଦୁରକୋଟ, ମାଡୁଆରୁ ଜଣେ ଲେଖାଏଁ ମୋଟ ୧୩ ଜଣ ସଂକ୍ରମିତ ଚିହ୍ନଟ ହୋଇଛନ୍ତି।

ଢେଙ୍କାନାଳ ମୁନିସିପାଲିଟି, କାମାକ୍ଷାନଗର ଓ ଗଁଦିଆ ବ୍ଲକରୁ ପାଞ୍ଚ ଜଣ ଲେଖାଏଁ ସଂକ୍ରମିତ ହୋଇଛନ୍ତି। ମୁନିସିପାଲିଟର ଚନ୍ଦନ ବଜାର, ଦକ୍ଷିଣ କାଳୀ, ଟାଉନପ୍ଲାନିଙ୍ଗ, ଦଣ୍ଡାସାହି ଓ ବନମାଳୀ ପ୍ରସାଦ ରୁ ଜଣେ ଲେଖାଏଁ ସଂକ୍ରମିତ ଅଛନ୍ତି।
କାମାକ୍ଷାନଗର ବ୍ଲକ କୋଟଗରା, ଗାଙ୍ଗିଯୋଡି, ଗୁନେଇବିଲି, ଇଛାବତୀପୁର ଓ ବାଇସିଙ୍ଗାରୁ ଜଣେ ଲେଖାଏଁ ସଂକ୍ରମିତ ହୋଇଛନ୍ତି।

ସେହିପରି ଗଁଦିଆ ବ୍ଲକର ନିହଲପ୍ରସାଦ ଓ ଯୋରନ୍ଦାରୁ ଦୁଇ ଜଣ ଲେଖାଏଁ ଥିବା ବେଳେ ବେଗା ଗାଁ ର ଜଣେ ସଂକ୍ରମିତ ଅଛନ୍ତି।

ଓଡ଼ାପଡ଼ା ବ୍ଲକ ଓ କଙ୍କଡ଼ାହାଡ଼ ବ୍ଲକରୁ ତିନି ଜଣ ଲେଖାଏଁ ସଂକ୍ରମିତ ହୋଇଛନ୍ତି। ଓଡ଼ାପଡ଼ା ବ୍ଲକର ଗୁଣ୍ଡିଚାପଡା ରୁ ଦୁଇ ଓ କାଉଁରିଆ ପାଳରୁ ଜଣେ ସଂକ୍ରମିତ ଅଛନ୍ତି। କଙ୍କଡ଼ାହାଡ଼ ବ୍ଲକର ସୁନ୍ଦରାମୁଣ୍ଡି, ବାଟଗାଁ ଓ କଣ୍ଟାପାଳ ଗାଁରୁ ଜଣେ ଲେଖାଏଁ ଚିହ୍ନଟ ହୋଇଛନ୍ତି।

ଭୁବନ ବ୍ଲକର ବାରୁଆଁ ଓ ରାମକୃଷ୍ଣ ପୁରରୁ ଜଣେ ଲେଖାଏଁ ଦୁଇ ଜଣ କରୋନାରେ ଆକ୍ରାନ୍ତ ହୋଇଛନ୍ତି।
ଭୁବନ ଏନଏସିରୁ ଦୁଇ ଜଣ ଓ ହିନ୍ଦୋଳ ଏନଏସିରୁ ଜଣେ ଏଥିରେ ଆକ୍ରାନ୍ତ ହୋଇଛନ୍ତି। ଡ଼ାକ୍ତରଖାନାରୁ ଜଣେ ଚିହ୍ନଟ ହୋଇଛନ୍ତି।

ଜିଲ୍ଲାର ସକ୍ରିୟ କରୋନା ଚିକିତ୍ସିତଙ୍କ ସଂଖ୍ୟା ୪୪୧ ଥିବା ବେଳେ ୩୪ ଜଣ ସୁସ୍ଥ ହୋଇଛନ୍ତି।