ପ୍ରଧାନମନ୍ତ୍ରୀ ଆବାସ ଯୋଜନାରେ ଅନିୟମିତତା ଅଭିଯୋଗ ଆଣିଲେ ଜିଲ୍ଲା ପରିଷଦ ସଭ୍ୟା

ଢେଙ୍କାନାଳ ଜିଲ୍ଲା ଓଡାପଡା ବ୍ଳକ ଅନ୍ତର୍ଗତ ଜିଲ୍ଲାପରିଷଦ ଦୁଇ ନମ୍ବର ଜୋନରେ ପ୍ରଧାନମନ୍ତ୍ରୀ ଆବାସ ଯୋଜନାରେ ବ୍ୟାପକ ଅନିୟମିତତା ହୋଇଥିବାର ଜିଲ୍ଲା ପରିଷଦ ସଭ୍ୟା ଅଭିଯୋଗ କରିଛନ୍ତି ।

ଜିଲ୍ଲାପରିଷଦ ସଭ୍ୟା ଇତିଶ୍ରୀ ସାହୁଙ୍କ ଅଭିଯୋଗ ଅନୁସାରେ ସିମିନଈ,ଗଦାଶିଳା, ସଦାଶିବପୁର,ଗୁଣୁଦେଇ,ବଳରାମପ୍ରସାଦ ପଞ୍ଚାୟତରେ ଯୋଗ୍ୟ ହିତାଧିକାରୀଙ୍କ ବଦଳରେ ଅନ୍ୟ ଲୋକମାନଙ୍କୁ ଘର ପ୍ରଦାନ କରାଯାଇଛି । ବିଭିନ୍ନ ଗ୍ରାମରେ ଥିବା ଅସହାୟ,ବୃଦ୍ଧ,ବିଧବା,ସ୍ୱାମୀ ପରିତ୍ୟକ୍ତା,ଭିନ୍ନକ୍ଷମ,ଚାଳଛପର
ଘରେ ଅସହାୟ ବ୍ୟକ୍ତିଙ୍କୁ ଘର ମିଳୁନାହିଁ ।

ଯେଉଁମାନଙ୍କର ନାମ ତାଲିକାର ଚତୁର୍ଥ ପର୍ଯ୍ୟାୟ ପର୍ଯ୍ୟନ୍ତ ଥିଲା
ସେମାନଙ୍କର ନାମକୁ କାଟି ଦିଆଯାଇଛି । ଏହାର ତଦନ୍ତ କରିବା ସହିତ ଯୋଗ୍ୟ ହିତାଧିକାରୀଙ୍କୁ ଘର ପ୍ରଦାନ କରିବାକୁ ଦାବୀ କରାଯାଇଛି ।