ମା ହରଚଣ୍ଡୀ ଯୁବକ ସଙ୍ଘ ତରଫରୁ ସ୍ୱାଧୀନତା ଦିବସ ପାଳନ

ଢେଙ୍କାନାଳ ସଦର ବ୍ଲକ ଅନ୍ତର୍ଗତ ମଙ୍ଗଳପୁର ଗ୍ରାମର ମା ହରଚଣ୍ଡୀ ଯୁବକ ସଙ୍ଘ ତରଫରୁ ୭୫ତମ ସ୍ୱାଧୀନତା ଦିବସ କରୋନା କଟକଣା କୁ ଆଖି ଆଗରେ ରଖି ପାଳନ ହୋଇଯାଇଛି ।

ଆଜିର ପବିତ୍ର ଦିବସ ରେ ମଙ୍ଗଳପୁର ସତ୍ୟବାଦୀ ଉଚ୍ଚ ବିଦ୍ୟାଳୟ ର ଅବସର ପ୍ରାପ୍ତ ପ୍ରଧାନ ଶିକ୍ଷକ ଶ୍ରୀଯୁକ୍ତ ବଳରାମ ବରାଳ ମୁଖ୍ୟ ଅତିଥି ଭାବେ ଯୋଗଦେଇ ପତାକା ଉତ୍ତଳନ କରିବା ସହିତ ସ୍ୱାଧୀନତା ଦିବସ ପାଳନ ଉଦେଶ୍ୟରେ କିଛି ଶିକ୍ଷଣିୟ ବିଷୟ ବସ୍ତୁକୁ ଆଲୋକ ପାତ କରିଥିଲେ l ଯୁବକ ସଙ୍ଘ ର ସଭାପତି ଅବନୀ ବରାଳ, ଉପସଭାପତି ଦେବୀପ୍ରସାଦ ମହାନ୍ତି, ସମ୍ପାଦକ ବଦ୍ରୀନାଥ ବରାଳ, ସହ-ସମ୍ପାଦକ ଯଦୁମଣି ପୃଷ୍ଟି ଓ ସମସ୍ତ ସଭ୍ୟ ବୃନ୍ଦ ଉପସ୍ଥିତ ରହି ଜାତୀୟତାର ଭାବକୁ ହୃଦୟଙ୍ଗମ କରି ଜାତୀୟ ପତାକା କୁ ସମ୍ମାନ ଜଣାଇଥିଲେ l

ଅନ୍ନପୂର୍ଣ୍ଣା ସାହୁ, ସୁଶ୍ରୀ ସୁରଜିତା ସାହୁ ଓ ଲିନୁ ଜାତୀୟ ସଙ୍ଗୀତ ଗାନ କରିଥିଲେ l ସମସ୍ତ ମହାପୁରୁଷ ତଥା ସ୍ୱାଧୀନତା ସଂଗ୍ରାମୀ ମାନଙ୍କ ନାମ ସ୍ମରଣାର୍ଥେ ଜୟଗାନ ଦେଇ ସଂଘର ପରିଚାଳକ ପ୍ରବୀଣ କୁମାର ଦାଶ କାର୍ଯ୍ୟ କୁ ପରିଚାଳନା କରିଥିଲେ l