ରାସ୍ତା ତଳକୁ ଖସିଲା ପିକଅପ ଭ୍ୟାନ ଅଳ୍ପକେ ବର୍ତ୍ତିଲେ ଯାତ୍ରୀ

କାମାକ୍ଷାନଗର ଢେଙ୍କାନାଳ ମୁଖ୍ୟ ରାସ୍ତାର ମହୁଲପାଳ ନିକଟରେ ଭାରସାମ୍ୟ ହରାଇ ଏକ ପିକଅପ ଭ୍ୟାନ ବ୍ରିଜ ତଳକୁ ଖସି ପଡ଼ିଥିବା ବେଳେ ଅଳ୍ପକେ ଡ୍ରାଇଭର ସହିତ ୩ଜଣ ରକ୍ଷା ପାଇଯାଇଛନ୍ତି ।

ଢେଙ୍କାନାଳରୁ ଏକ ପକିଅପ ଭ୍ୟାନ ମହୁଲପାଳ ନିକଟରେ ଥିବା ଆପ୍ରୋଚ ରୋଡରେ ଭାରସାମ୍ୟ ହରାଇ ତଳକୁ ଖସିପଡ଼ିଥିଲା । ରାତିରେ ବ୍ରିଜ ତଳେ ଗାଡ଼ିର ଲାଇଟ ଦେଖି କିଛି ଲୋକ କାମାକ୍ଷାନଗର ଅଗ୍ନିଶମ ବାହିନୀକୁ ଖବର ଦେଇଥିଲେ ।

ଖବର ପାଇ କର୍ମଚାରୀ ମାନେ ଘଟଣା ସ୍ଥଳରେ ପହଞ୍ଚି ଯାତ୍ରୀ ମାନଙ୍କୁ ଉଦ୍ଧାର କରି କାମାକ୍ଷାନଗର ଚିକିତ୍ସାଳୟରେ ଭର୍ତ୍ତି କରିଥିଲେ ।