୭୨ ଜଣକୁ ଜମି ଦେବା ନାମରେ ଠକାମୀ ,୧୩ ବର୍ଷ ପରେ ବି ପୋଲିସ ନିରବ ଦ୍ରଷ୍ଟା

ଢେଙ୍କାନାଳ ଜିଲ୍ଲା ରେ ଜମି ଦେବା ନାମରେ ୭୨ ଜଣକୁ ଠକାମୀ କରିଥିବା ବ୍ୟକ୍ତିକୁ ପୋଲିସ ଗିରଫ କରୁନଥିବାର କ୍ଷତିଗ୍ରସ୍ତ ପ୍ରଜାମାନେ ପ୍ରକାଶ କରିଛନ୍ତି । ଗତ ୨୦୦୯ ମସିହାରେ ପ୍ରଭାକର ପଣ୍ଡାଙ୍କ ପୁଅ ରମେଶ ଚନ୍ଦ୍ର ପଣ୍ଡା ୭୨ ଜଣ ହିତାଧିକାରୀ ଜମି କିଣିଥିଲେ । କିନ୍ତୁ ହିତାଧିକାରୀ ମାନଙ୍କୁ ଜମି ପଟ୍ଟା ବର୍ତ୍ତମାନ ସୁଦ୍ଧା ମିଳିପାରିନାହିଁ । ପରେ ସେହି ଜମିକୁ ରମେଶ ଅନ୍ୟମାନଙ୍କୁ ବିକ୍ରୀ କରିଦେଇଥିବାର ଜଣାପଡିଥିଲା ।

ଫଳରେ ହିତାଧିକାରୀ ମାନେ ତାଙ୍କର ଟଙ୍କା ମାଗିଥିଲେ । ରମେଶଟଙ୍କା ଫେରାଇଦେବାକୁ କହି ଚେକ ଦେଇଥିଲେ । କିନ୍ତୁ ଚେକ ବାଉନ୍ସ ହୋଇଯାଇଥିଲା । ଏହାକୁ ନେଇ ତାଙ୍କ ନାମରେ ସଦର ଥାନାରେ ଅଭିଯୋଗ କରାଯାଇଥିଲା । ଏବଂ କୋର୍ଟ ମଧ୍ୟ ତାଙ୍କୁ ଗିରଫ କରିବାକୁ ନିର୍ଦ୍ଦେଶ ଦେଇଥିଲେ । କିନ୍ତୁ ସଦର ଥାନା ତରଫରୁ ବର୍ତ୍ତମାନ ପର୍ଯ୍ୟନ୍ତ କୌଣସି ପଦକ୍ଷେପ ଗ୍ରହଣ କରାଯାଇନାହିଁ । ଏହାକୁ ନେଇ ହିତାଧିକାରୀ ମାନେ ସଦରଥାନା ଠାରେ ଉପସ୍ଥିତ ରହି ଗଣମାଧ୍ୟମ ସମ୍ମୁଖରେ ଘଟଣା ସମ୍ପର୍କରେ ଅବଗତ କରିଥିଲେ ।