ରଚିଛି ରଚିନି ଇଛି

ସରିଛି ସରିନି ଜୀବନ ସଂଗ୍ରାମ
      ମରିଛି ମରିନି ଆଶା
ପାଳିଛି ପାଳିନି ପ୍ରତିଶୃତି ଯେତେ
  ଛାଡ଼ିଛି ଛାଡ଼ିନି ଉଷା 

କହିଛି କହିନି ମନ କଥା ଯେତେ
    ପଢ଼ିଛି ପଢିନି ବିଶ୍ୱ
ଲେଖିଛି ଲେଖିନି ଚିନ୍ତା ଓ ଚେତନା
   ଛୁଇଁଛି  ଛୁଇଁନି  ଲକ୍ଷ୍ୟ  

ଦେଖିଛି ଦେଖିନି ସିକ୍ତ – ଭବିଷ୍ୟତ
   ଶିଖିଛି ଶିଖିନି ପ୍ରୀତି
ରଖିଛି ରଖିନି ପ୍ରିୟର ବଚନ
    ପାହିଛି ପାହିନି ରାତି 

ଗାଇଛି ଗାଇନି ଜୀବନର ଗୀତା
       ପାଇଛି ପାଇନି ଶାନ୍ତି
ଯାଇଛି ଯାଇନି କବରଖାନାକୁ
   ଘଟିଛି ଘଟିନି ଇତି 

ଖୋଲିଛି ଖୋଲିନି ଇତିହାସ ପୃଷ୍ଠା
    ଦେଇଛି ଦେଇନି କିଛି
ଟାଣିଛି ଟାଣିନି ଭୂଗୋଳ ରେ  ଗାର
       ରଚିଛି ରଚିନି ଇଛି 

✍️ଏଲୀ ଦାସ