ପ୍ରତିଶ୍ରୁତି

ଜହ୍ନକୁ ମାଗିଲି ଟିକିଏ ଜ୍ୟୋସ୍ନା
      ଚାଲିଗଲା ପ୍ରତିଶ୍ରୁତି ଦେଇ
   ରାତିକୁ ମାଗିଲି ଟିକିଏ ସ୍ୱପ୍ନ
     ଗଲା ରାତି ନୀରବରେ ଚାହିଁ ଚାହିଁ
   ସାଗରକୁ ମାଗିଲି ଟିକିଏ ଲହରୀ
    ବହିଗଲା ହସହସ ହେଇ!

ଫଗୁଣକୁ ମାଗିଲି କୋଇଲିର କୁହୁ
   ଚାଲିଗଲା ଆରଥରକୁ କହି…
ମହୁମାଛିକୁ ମାଗିଲି ଟିକିଏ ମଧୁ
  ଉଡ଼ିଗଲା ଗୁଣୁ ଗୁଣୁ ହେଇ…
ଫୁଲକୁ ମାଗିଲି ଟିକିଏ ବାସ୍ନା…
   
ଝଡ଼ିଗଲା ଦେବ ବୋଲି କହି!
କାଳିଆକୁ ମାଗିଲି ଟିକିଏ ସୁଖ..
ପଥର ପରି ସେ ଶୁଣିଲେ ହିଁ ନାହିଁ…
ସୂଯ୍ୟକୁ ମାଗିଲି କିରଣ ଟିକେ
ଲୁଚିଗଲା ଅନ୍ଧକାର ଦେଇ!
ତୁମକୁ ମାଗିଥିଲି ମମତାରୁ କାଣିଚାଏ
   ଦୁରେଇ ଦେଲ ମୋତେ କଣ ପାଇଁ…..

✍️ଶୁଭସ୍ମିତା ଦାସ