ବକେୟା ଦରମା ପାଇବା କୁ ନେଇ ଗାଡି ମାଲିକକୁ ମାଡ଼ ମାରିଲା ଡ୍ରାଇଭର

କାମାକ୍ଷାନଗର ଥାନା ମୁଣ୍ଡିଦେଉଳି ସାହି ରେ ଅଭାବନୀୟ ଘଟଣା l ବକେୟା ଦରମା ପାଇନଥିବାରୁ ଗାଡି ମାଲିକ ଙ୍କୁ ମାଡ଼ ମାରିଲା ଡ୍ରାଇଭର l ଡ୍ରାଇଭର ଓ କିଛି ଦୁର୍ବୃତ୍ତ ଙ୍କ ମାଡ଼ ରେ ଗାଡିମାଲିକ ଗୁରୁତର ଅବସ୍ଥା ରେ ମେଡିକାଲ ରେ ଭର୍ତ୍ତି ହୋଇଥିବା ବେଳେ ଏନେଇ ଗାଡି ମାଲିକ ଙ୍କ ଭଉଣୀ କାମାକ୍ଷାନଗର ଥାନାରେ ଅଭିଯୋଗ କରିଛନ୍ତି l

ଖବର ଅନୁଯାୟୀ କାମାକ୍ଷାନଗର ସହରର ମୁଣ୍ଡିଦେଉଳି ସାହି ର ବାବୁଲି ବିଶ୍ୱାଳ ଙ୍କ ଗାଡି କୁ ଭୁବନ ଅଞ୍ଚଳ ର ପ୍ରିୟବ୍ରତ ପ୍ରଧାନ ଚଲାଈ ଆସୁଥିଲେ l ମାତ୍ର ପ୍ରିୟବ୍ରତ ଙ୍କ ଦରମା ବାବଦ କୁ ବକେୟା ପାଇବାକୁ ଥିବାବେଳେ ସେ ଦରମା ନେବାକୁ ଗାଡି ମାଲିକ ଙ୍କ ଘରେ ପହଞ୍ଚିଥିଲେ l ମାତ୍ର ପଇସା ନାହିଁ, କିଛି ଦିନ ପରେ ବକେୟା ଅର୍ଥ ନେଇଯିବା ପାଇଁ ଗାଡି ମାଲିକ ବାବୁଲି ବିଶ୍ୱାଳ ତାଙ୍କ ଡ୍ରାଇଭର ପ୍ରିୟବ୍ରତ ପ୍ରଧାନ କୁ କହିଥିଲେ l ମାତ୍ର ଆଜି ଟଙ୍କା ନେବା ଜିଦ ରେ ଉତକ୍ଷିପ୍ତ ହୋଇ ଡ୍ରାଇଭର ପ୍ରିୟବ୍ରତ ଓ ତାଙ୍କ ସହ ୪ ଟି ବାଇକ ରେ ୧୦ ରୁ ୧୨ ଜଣ ଦୁର୍ବୁତ୍ତ ଗାଡି ମାଲିକ ବାବୁଲି ଙ୍କ ଉପରେ ଅତର୍କିତ ଆକ୍ରମଣ କରିଥିଲେ l ପାଖରେ ଥିବା ଏକ ଇଟାରେ ପ୍ରିୟବ୍ରତ ବାବୁଲି ଙ୍କ ମୁଣ୍ଡ କୁ ଛେଚି ଦେଇଥିବା ବେଳେ ଅନ୍ୟ ଦୁର୍ବୁତ୍ତ ମାନେ ବାବୁଲି ଙ୍କ ପରିବାର ଲୋକ ଙ୍କୁ ମଧ୍ୟ ଆକ୍ରମଣ କରିଥିବା ଅଭିଯୋଗ ହୋଇଛି l ଆକ୍ରମଣ ପରେ ପ୍ରିୟବ୍ରତ ଓ ଦୁର୍ବୃତ୍ତ ମାନେ ଘର ର ମହିଳା ସଦସ୍ୟ ଙ୍କ ଠାରୁ ଏକ ମଙ୍ଗଳସୂତ୍ର ଓ ବାବୁଲି ଙ୍କ ବେକ ରୁ ଏକ ସୁନା ଚେନ ସହ ପାଖରେ ଥିବା ନଗଦ ୨୩୦୦ ଟଙ୍କା ଛଡାଇ ନେଇଥିବା ଥାନାରେ ଅଭିଯୋଗ କରିଛନ୍ତି ଗାଡି ମାଲିକ ବାବୁଲି ଙ୍କ ଭଉଣୀ ଧୂଳି ବିଶ୍ୱାଳ l ମାଡ଼ ପରେ ବାବୁଲି ଙ୍କୁ ପରିବାର ଲୋକ କାମାକ୍ଷାନଗର ମେଡିକାଲ ରେ ଭର୍ତ୍ତି କରିଥିବା ବେଳେ ସ୍ୱାସ୍ଥ୍ୟବସ୍ଥା ସଂକଟାପର୍ଣ୍ଣ ଥିବାରୁ ଡାକ୍ତର ତାଙ୍କୁ ଢେଙ୍କାନାଳ ଜିଲ୍ଲା ମୁଖ୍ୟ ଚିକିତ୍ସାଳୟ କୁ ସ୍ଥାନାନ୍ତର କରିଛନ୍ତି l ତେବେ ଏ ସମ୍ପର୍କ ରେ ଅଭିଯୋଗ ପାଇବା ପରେ କାମାକ୍ଷାନଗର ପୋଲିସ ମେଡିକାଲ ରେ ପହଞ୍ଚି ଅଧିକ ତଦନ୍ତ ଆରମ୍ଭ କରିଛି l