କାର ଦୁର୍ଘଟଣାରେ ନାବାଳିକା ସମେତ ଚାରି ଗୁରୁତର

ଢେଙ୍କାନାଳ ଭୁବନ ପୂର୍ତ୍ତ ବିଭାଗ ରାସ୍ତାର ମଣିପୁର ଠାରେ ଆଜି ସକାଳ ପ୍ରାୟ ଆଠ ଟା ବେଳେ ବାଇକ ସାଇଡ ମାରିବାରୁ କାର ଟି ଜଣେ ନାବାଳିକା କୁ ଧକ୍କା ଦେବା ସହ ଗଛ ରେ ପିଟି ହୋଇଥିଲା ।

ଏହି ଦୁର୍ଘଟଣାରେ ୯ବର୍ଷର ନାବାଳିକା ସମେତ ଚାରି ଗୁରୁତର ହୋଇ ପ୍ରଥମେ ଭୁବନ ପରେ ଢେଙ୍କାନାଳ ଓ କଟକ ଡାକ୍ତରଖାନା କୁ ସ୍ଥାନାନ୍ତରିତ ହୋଇଛନ୍ତି ।

ସୂଚନା ଅନୁଯାୟୀ , ଭୂଷଳ ଗ୍ରାମର ବିମଳ ସ୍ୱାଇଁ ନିଜ ଶାଶୁ ଙ୍କ ଗୋଡର ଚିକିତ୍ସା ପାଇଁ କଟକ ନେଇ କାର ଯୋଗେ ଯାଉଥିଲେ ।
ମଣିପୁର ନିକଟରେ ଜଣେ ବାଇକ ଆରୋହୀ କାର କୁ ସାଇଡ ମାରିବାରୁ କାର ଟି ଭରସାମ୍ୟ ହରାଇ ପ୍ରଥମେ ଜଣେ ୯ ବର୍ଷର ଝିଅ କୁ ଧକ୍କା ଦେଇଥିଲା , ପରେ ଏକ ଗଛ ରେ ପିଟି ହୋଇଥିଲା ।

ଆହତ ମାନେ ହେଲେ ଭୁବନ ଥାନା ମଣିପୁର ଗ୍ରାମ ର ଉଦୟ ଦେହୁରୀ ଝିଅ ଶ୍ରାବଣୀ ଦେହୁରୀ (୯), ଭୂଷଳ ର ବିମଳ ସ୍ୱାଇଁ( ୫୦) ,ଚଣ୍ଡୀପାଳ ଗ୍ରାମ ର ନବ କିଶୋର ବେହେରା(୩୪) ଓ କେନ୍ଦୁଝର ଜିଲ୍ଲା ଘସିପୁରା ଥାନା କେଶଦୁରାପାଳ ଗ୍ରାମର ଦୋଳଗୋବିନ୍ଦ ନାୟକ ଙ୍କ ସ୍ତ୍ରୀ ପୁର୍ଣିମା ନାୟକ (୬୫) ।