ପଞ୍ଚାୟତ ରାସ୍ତା ଖନନକୁ ନେଇ ତାତିଲେ ଜନଜାତୀ!

ଆଲୁଅଝରଣ-ଭାଲୁମୁଣ୍ଡା ପୂର୍ତ୍ତ ବିଭାଗ ରାସ୍ତା ଅବରୋଧ।
କାମାକ୍ଷାନଗର ବ୍ଲକ ତୁମୁଁସିଙ୍ଗା ପଞ୍ଚାୟତର ମହୁଲଡଗର, ଡଙ୍କାବୋଲ, ରଘୁଆବୋଲ, ଓ କୁସୁମଯୋଡି ପଞ୍ଚାୟତର କିଆପାତିନି ଗ୍ରାମବାସୀ ଆଜି ସକାଳୁ ଆଲୁଅଝରଣ-ଭାଲୁମୁଣ୍ଡା ପୂର୍ତ୍ତ ବିଭାଗ ରାସ୍ତାକୁ ଅବରୋଧ କରିଛନ୍ତି। ସୂଚନା ଅନୁଯାୟୀ ଏହି ଗାଁ ଓ ଆଲୁଅଝରଣ-ଭାଲୁମୁଣ୍ଡା ପୂର୍ତ୍ତ ବିଭାଗ ରାସ୍ତାକୁ ସଂଯୋଗ କରୁଥିବା ଏକମାତ୍ର ମାଟିରାସ୍ତ (ପଞ୍ଚାୟତ ରୋଡ)କୁ ତୁମୁସିଂଙ୍ଗା ଗାଁ ର କିଛି ଲୋକ ଜେସିବି ମେସିନ ସାହାଯ୍ୟରେ ଖୋଳି ନିଜର ପଟା ଜମି ବୋଲି ଦାବି କରିଛନ୍ତି।

କଦଳୀପାଳ ଠାରୁ ମହୁଲଡଗର ସଂଯୋଗ କରୁଥିବା ଏକମାତ୍ର ରାସ୍ତା ଯେଉଁ ରାସ୍ତା ଉପରେ ଉପରୋକ୍ତ ଗାଁ ର ଲୋକ ମାନେ ଗମନାଗମନ କରନ୍ତି। ମୁଖ୍ୟତଃ କାମାକ୍ଷାନଗର ବା ଢେଙ୍କାନାଳ ଯିବାକୁ ଏହି ରାସ୍ତା ଉପରେ ନିର୍ଭର କରିଥାନ୍ତି। ଘଟଣାସ୍ଥଳରେ ଉତ୍ତେଜନା ପରେ ତୁମୁସିଂଙ୍ଗା ଥାନା ଅଧିକାରୀ ସୂଚନା ପାଇ ପରିସ୍ଥିତି ନିୟନ୍ତ୍ରଣ କରିଛି।